گوئنش بایداسی
حسرت یاش اولوب گوئزلره دولماخدادی دای گل
گوئز یاشلارئم آخماخداسئل اولماخدادی دای گل
بورویوب هیجران تورو دونیانی قفس تک
دونیا کیمی باغرئم دا دارالماخدادی دای گل
هیجرینده کئچن لحظه لری یانقیلی ساز تک
غم پنجه سی آه زخمه سی چالماخدادی دای گل
سن سیزلیگه دوئزمک نه سایاق مومکون اولارمئش
دوئزدوم،دوئزوموم جانئمی آلماخدادی دای گل
سال داغلاراهای گویده بولوتلار دیله گلسین
یارپاق کیمی وارلئق بویو سولماخدادی دای گل
اولدوز کیمی گوزلر یاتاماز،گوئزله ییرم من
گوئزلر کوکوحسرتده سارالماخدادی دای گل
سحر)آدئملاروون ماهنئسینی ایزلییر هر گون)
آچمئش سحرین باغری قارالماخدادی دای گل

حمیده رئیس زاده،سحر